رشتة بالدجاج

المكوّنات :

• 1 كلغ رشتة.

بالنسبة للمرق:

• أطراف دجاج .
• حبة بصل.
• 2 جزر.
• 4 حبات لفت تكون متوسطة الحجم.
• 1 حبة بطاطا.
• 200 غ حمص(مسلوق و مصفى).
• كوسا(كورجات  قرعة).
• 2ملاعق زيت نباتي وقليل من زبدة.
• عود قرفة.

توابل:

• ملح.
• فلفل اسود.
• كركم.
• زنجبيل.

طريقة التحضير :

بالنسة للرشتة:

• نفتح الرشتة جيدا باليدين ونرشها بالزيت ونحاول إدخال الزيت في كل الرشتة .
• نضعها في كسكاس تفور للمرة الأولى.
• بعدما تفور نفرغها في طبق واسع ونرشها بالملح والماء (نرشها غير بالشوية و نغطيها و نخليها(
• بعدما تتشرب الرشتة الماء جيدا نقوم بتفويرها للمرة الثانية.
• بعدما تفور نفرغها في إناء واسع ونرشها بالمرق ( ننزع كمية من المرق بعد نضجه ونرش به الرشتة ).

بالنسة للمرقة :

• في قدرة كبيرة ندير الزيت و زبدة فوق النار كي تذوب زبدة نحط الدجاج يتقلى من بعد نضيف البصل و نخليهم يتقلاو على خاطرهم فوق نار متوسطة.
• نضيف الجزر و اللفت والطماطم (بدون ان نقطعها ) والبطاطا و شوية ماء سخون  قيس فنجان و نقلي مع تحريك مستمر.
• ندير التوابل و الملح ومن بعد نمرق و نغطي القدرة.
• كي يبدا المرق يغلي مليح نضيف الحمص كوسا و البطاطا و نتركها تستوي على خاطرها كي قريب نطفي( حوالي 10 دقائق الأخيرة )نضيف عود تاع القرفة.

نفرغ رشتة في طبق التقديم ونقوم بتزيينها باللفت ، كوسا ، جزر ، الدجاج والحمص وبهذا تصبح الرشتة جاهزة.

شهية طيبة و إنشاء الله تعجبكم و تجربوها و شكرا.